Компания операциялық қызметке белсенді қатыстырылған Корпоративтік орталық болып табылады, онда шикізатты өндіру және қайта өңдеу тиімділігін арттыру бойынша стратегиялық мақсаттың іске асырылуын көрсететін өндірістік үдерістерді басқарудың дивизионалды құрылымы көрініс табады.

Ұйымдық құрылымды қалыптастыру барысында Топтың стратегиялық мақсаттары мен міндеттерін іске асыру үшін қажетті Компания қызметінің негізгі бағыттары бойынша мақсатты бизнес-үдерістер ескерілді. Уран және атом өнеркәсібінің салыстырылатын салалық компаниялары бойынша үздік әлемдік тәжірибелер қолданылып, Қазақстан Республикасының заңнамасы мен акционерлердің талаптары ескерілді.

Компанияның корпоративтік басқару жүйесі қызметті тиісінше басқаруды және бақылауды қамтамасыз етуге, ұзақ мерзімді құнның өсуіне және тұрақты дамуға бағытталған. Корпоративтік басқарудың негізінде тиімділік, жеделділік және ашықтық жатыр.

Компанияның корпоративтік басқару жүйесінің басты міндеттері — қызметтің ашықтығын арттыру, акционерлермен және барлық мүдделі тараптармен тиімді ұзақ мерзімді қарым-қатынасты қолдау. Жүйе келесі қағидаттарға негізделеді:

2019 жылғы 30 мамырда Компанияның тарихында алғаш рет бетпе-бет тәртіпте өткен акционерлердің жылдық жалпы жиналысы Компанияның кеңсесінде өткізілді. Лондон қор биржасы Компанияның Директорлар кеңесі мүшелерінің жиналысқа қатысуына кеңес береді, сондықтан тәуелсіз директорлардың бірі жиналысқа тікелей қатысты, ал Компанияның Директорлар кеңесінің қалған мүшелері конференц-байланыс бойынша қосылды.

Күн тәртібінде мынадай мәселелер қаралды:

• Директорлар кеңесінің мүшелерін сайлау және өкілеттіктерін мерзімінен бұрын тоқтату;
• «Қазатомөнеркәсіп»ҰАК» АҚ-ның қаржылық есептілігін бекіту;
• дивидендтердің мөлшерін бекіту;
• «Қазатомөнеркәсіп» ҰАК» АҚ-ның Жарғысына өзгерістер мен толықтырулар енгізу.

Сонымен қатар 2019 жылғы 4 желтоқсанда Компанияда акционерлердің сырттай кезектен тыс жалпы жиналысы өтті; күн тәртібіне шығарылған жалғыз мәселе (күн тәртібінің негізгі тармағынан басқа) «Қазатомөнеркәсіп» ҰАК» АҚ-на аудит жүргізетін аудиторлық ұйымды белгілеу туралы» болды.

Акционерлердің келесі жалпы жиналысы 2020 жылғы 18 мамырға жоспарланып отыр. Жиналыс туралы толық ақпарат 2020 жылдың сәуірінде акционерлерге таратылатын жиналыс туралы хабарландыруда беріледі. Жиналысқа қатыса алмайтын акционерлерге, хабарландыруда көрсетілгендей, сенімхат бойынша дауыс беру ұсынылады. Акционерлердің жалпы жиналысына қатысты барлық құжаттар Компанияның Интернет-ресурсында «Инвесторлар» бөлімінде қолжетімді.

2018 жылдың қарашасында Компания AIX және LSE қор биржаларында өз акциялары мен жаһандық депозитарлық қолхаттарының листингін жүзеге асырды.

2019 жылдың қыркүйегінде «Самұрық-Қазына» ҰӘҚ» АҚ бір жаһандық депозитарлық қолхат үшін 13,00 АҚШ доллары бағасы бойынша қосымша 9 863 021 жаһандық депозитарлық қолхатты орналастырды. Сатудан түскен жалпы сома 128 219 273 АҚШ долларын құрады, оның ішінде 65 299 273 АҚШ доллары AIX арқылы сатудан түсті. Орналастыруға халықаралық және қазақстандық инвесторлар қатысты.

2018 жылдың қараша айында акцияларды алғаш рет жария түрде орналастырған кезде «Самұрық-Қазына» ҰӘҚ» АҚ AIX және LSE қор биржаларында Қазатомөнеркәсіптің шығарылған акционерлік капиталының шамамен 15%-ын орналастырды. Қосымша орналастырған кезде еркін айналыстағы акциялардың жалпы саны 18,72%-ға дейін ұлғайды.

2019 жылдың қыркүйегінде Қазатомөнеркәсіп 2018 жылдың қазанында шығарылған облигацияларын қайта қаржыландыру мақсатында (НИН KZ2C0M13F960), «Қазақстан қор биржасы» АҚ-ның (KASE) ұйымдастырылған бағалы қағаздар нарығында облигациялар орналастырды (ISIN KZ2C00006153), соңғы облигациялар 2019 жылғы 27 қыркүйекте мерзімінен бұрын өтелді.

2019 жылғы 30 қыркүйекте Қазатомөнеркәсіп Ұлыбританияда Лондон қаласында орналасқан Лондон қор биржасының алаңында өзінің бірінші Инвестор күнін өткізді. Іс-шараға 100-ден астам қатысушы тіркелді, оның ішінде 40 институционалды инвестор, 29 жеке инвестор (жеке тұлғалар), 43 аналитик немесе басқа санаттың өкілдері. LSE-дегі іс-шаралардан кейін Компанияның Қазақстандағы уран өндіретін кеніштері бойынша екі күндік тур ұйымдастырылды.

2019 жылғы 31 желтоқсандағы жағдай бойынша Директорлар кеңесінің құрамына екі тәуелсіз директорды қоса алғанда, алты тәуелсіз директор кіреді. Директорлар кеңесінің төрағасы тәуелсіз директор болып табылады, бұл миноритарлық акционерлердің құқықтарын сақтаудың кепілі болып табылады. Директорлар кеңесі мүшелерінің тәуелсіздік нормаларына сәйкестік критерийлерін сипаттау Компанияның Интернет-ресурсында орналастырылған Жарғыда және Директорлар кеңесі туралы ережеде келтірілген.

2019 жылдың наурыз және қыркүйек айларында сол сәтте Компанияның Директорлар кеңесінің төрағасы болған Джон Дудас (жылдық қаржылық есептілік жариялағаннан және Компанияның инсайдерлері үшін сауда-саттық кезеңі ашылғаннан кейін) Компанияның 2 000 және 3 000 ЖДҚ сатып алынды. Тиісті ақпарат қор биржасында орналастырылып, тиісті реттеуші және қадағалаушы органдарға хабарланды.

«Қазатомөнеркәсіп» ҰАК» АҚ Директорлар кеңесінің қалған мүшелерінің Компанияның, үлестес компаниялардың акциялары (Компанияға қатысу үлестері) жоқ, сондай-ақ олар Компанияның өнім берушілері мен бәсекелестерінің акцияларына иелік етпейді.

Компанияның Директорлар кеңесі 2018 жылғы 14 тамызда үш жылдық мерзімге сайланды, ал Компанияның Директорлар кеңесінің қазіргі мүшелерінің өкілеттігі 2021 жығы 14 тамызда аяқталады.

• Жалғыз акционердің 2019 жылғы 30 мамырдағы шешімімен Алик Айдарбаевтың Директорлар кеңесі мүшесінің өкілеттігі мерзімінен бұрын тоқтатылды, ал Директорлар кеңесінің мүшесі ретінде Алмасадам Сатқалиев сайланды.
• 2019 жылдың желтоқсанында Джон Дудастың Директорлар кеңесінің төрағасы ретіндегі өкілеттіктері тоқтатылды, Акционерлердің жалпы жиналысы тиісті шешім қабылдағанға дейін Директорлар кеңесі төрағасының міндеттері Нил Лонгфэллоуге жүктелді.

Компанияның тәуекелдерді басқарудың қолданыстағы жүйесі 2010 жылы құрылды және сол кезден бері Компанияның қызметі мен Даму стратегиясының негізін қалаушы элемент болып табылады. Компанияның менеджменті тәуекелдерді нақты және уақтылы анықтау, бағалау, мониторинг жасау және оған ден қою басқарудың барлық деңгейлерінде тиімді шешім қабылдауға және Компания қызметінің стратегиялық мақсаттары мен негізгі көрсеткіштеріне қол жеткізуді қамтамасыз етуге мүмкіндік беретініне сенімді.

Жүйенің басты құрылымдық бөлімшесі Тәуекел-менеджмент департаменті болып табылады, ол тәуекелдерді басқару бойынша бүкіл жұмысты әдіснамалық сүйемелдеу және үйлестіру үшін жауап береді. Компания Басқармасы жанындағы Тәуекелдерді басқару жөніндегі комитет тәуекелдерді басқару бойынша негізгі мәселелерді алдын ала қарайды, мақұлдайды немесе келіседі. Компанияның ЕТҰ деңгейінде тәуекелдерді басқаруды ұйымдастыруға жауапты жеке құрылымдық бөлімшелер жұмыс істейді немесе тәуекел-менеджерлер тағайындалады.

Тәуекелдерді басқару жүйесінің құрылымы, қатысушылары және олардың өкілеттіктері туралы толық ақпарат Компанияның интернет-ресурсында орналастырылған Тәуекелдерді басқару саясатында келтірілген, «Қазатомөнеркәсіп» ҰАК» АҚ-ның тәуекелдерді басқару саясатын» қараңыз.

Барлық негізгі бөлімшелер мен мүдделі тараптардың тартылуының, сондай-ақ Компанияның Директорлар кеңесі, Басқармасы мен бөлімшелері арасында тәуекелдерді басқару барысында тиімді ақпарат алмасудың арқасында құрылатын Компаниядағы тәуекел-мәдениет Компанияның тәуекелдерді басқару жүйесінің негізі болып табылады.

Тәуекелдерді басқару жүйесінің сапасын үнемі арттыру мақсатында, тәуекелдердің иелері болып табылатын бөлімшелердің басшылары мен басқа да қызметкерлері үшін тәуекелдерді басқару және ішкі бақылау бойынша корпоративтік оқыту ұйымдастыры¬лады, жыл сайын кәсіпорындарда тәуекелдерді басқаруға жауапты қызметкерлермен өзекті проблемалар бойынша дөңгелек үстел өткізіледі.

Компаниядағы ішкі бақылау жүйесі қызметінің үш негізгі саласы бойынша тәуекелдердің алдын алуға, оның ішінде қаржылық және басқарушылық есептілікті құруға, ішкі құжаттар мен заңнама талаптарын орындауға, сондай-ақ операциялық қызмет аясындағы үдерістердің нәтижелілігін арттыруға бағытталған.

Компанияда ішкі бақылау жүйесі үдеріс тәуекелдеріне жылдам жауап қайтара алатын, негізгі және қосалқы үдерістер мен күнделікті операцияларға бақылау жүргізетін алатын басқару жүйесін құруға бағытталған, ол «Ішкі бақылау — Интеграцияланған модель» COSO моделіне сәйкес құрылған және өзара тәуелді бес құрауыштан тұрады:

• бақылау ортасы;
• тәуекелдерді бағалау;
• бақылау рәсімдері;
• ақпарат және оны тарату;
• мониторинг.

«Қазатомөнеркәсіп» ҰАК» АҚ-ның ішкі бақылау жүйесінің ережелері Компанияның интернет-ресурсында орналастырылған, «Қазатомөнеркәсіп» ҰАК» АҚ-ның ішкі бақылау жүйесінің ережелерін» қараңыз.

Ішкі бақылау жүйесі шеңберінде Компания тұрақты негізде мынадай іс-шараларды жүзеге асырады:

• Компанияның құрылымдық бөлімшелерінің бизнес-үдерістерінің бақылау рәсімдерінің операциялық тиімділігіне тестілеу жүргізу;
• еншілес және тәуелді ұйымдардың өзін-өзі бағалауы жолымен, сондай-ақ еншілес және тәуелді ұйымдарға шығу арқылы еншілес және тәуелді ұйымдарда ішкі бақылау жүйесінің дамуына диагностика жүргізу.

Қазатомөнеркәсіптің өндірістік қызметінің тиімділігін, бәсекеге қабілеттілігі мен экспорттық әлеуетін арттыру, сондай-ақ өнім сапасын жақсарту Компанияның техникалық реттеу, стандарттау, метрология сынау, сапаны басқару, сертификаттау және аккредиттеу саласындағы еншілес және тәуелді ұйымдардың қызметін жетілдіру, бақылау және мониторингтеу арқылы жүзеге асырылады.

Компанияның Даму стратегиясының мақсатына жету үшін шығарылатын өнімнің сапасын бақылау және растау барысында қолданылатын бірыңғай тәсіл «Қазатомөнеркәсіп» ҰАК» АҚ-ның техникалық реттеу, стандарттау, метрология сынау, сапаны басқару саласында уран өндіретін кәсіпорындардың сапасының инфрақұрылымын дамытуға бағытталған Саясатын іске асыру арқылы қамтамасыз етіледі. Дамыған сапа инфрақұрылымының нәтижесі өнімнің мәлімденген техникалық сипаттамалары расталғандығының, ал тұтынушылардың (нарықтың) талаптары толығымен орындалғандығының кепілдігі болып табылады. Қазатомөнеркәсіптің нарықтағы орнын ілгерілету үшін дайын өнім мен оның қаптамасының сапасы, оқыс оқиғаларсыз уақтылы тасымалдануы маңызды. Сондықтар 2020 жылы осы бағыттағы жұмыс күшейтілмек.

Сапаны қамтамасыз ету жүйесін дамыту аясында Қазатомөнеркәсіп келесі жұмыстарды орындауды жалғастырып келеді:

ІАҚ корпоративтік басқару үдерістерін бағалау және жетілдіру, тәуекелдерді басқару және Топтың ұйымдарында бақылау өткізу үшін жүйелендірілген, бірізді және тәуекел-бағдарламаланған тәсілді қолданады.

ІАҚ өз қызметінде Халықаралық ішкі аудит стандарттарын қолданады және ішкі аудиторлардың Әдеп кодексін орындайды.

ІАҚ қызметінің нәтижелерін Аудит жөніндегі комитет тұрақты талқылап, бағалап отырады.

2020 жылға арналған жылдық аудиторлық жоспар құрылды, онда: Директорлар кеңесі мүшелерінің күтуі, стратегиялық жобалар, менеджмент сәйкестендірген тәуекелдер, сондай-ақ 2019 жылғы аудит нәтижелері қамтылды.

2020 жылы ІАҚ қызметінің Халықаралық ішкі аудит стандарттарына сәйкестігіне сыртқы бағалау өткізу жоспарланып отыр, оның нәтижелерін Директорлар кеңесі қарайды.

2019 жылғы 4 желтоқсанда өткен кезектен тыс Акционерлердің жалпы жиналысының нәтижелері бойынша Акционерлердің жалпы жиналысы «Қазатомөнеркәсіп» ҰАК» АҚ-ның 2020, 2021 және 2022 жылдарға арналған Халықаралық қаржы есептілігінің стандарттары бойынша шоғырландырылған және жеке қаржылық есептіліктерге аудит өткізу үшін аудиторлық ұйым ретінде «ПрайсуотерхаусКуперс» ЖШС-ні белгілеу туралы шешім қабылдады. 2020-2022 жылдарға арналған аудит шарты бойынша аудиторлық қызметтер үшін төлемнің жалпы көлемі, ҚҚС қоса есептелгенде, 917 150 976 (тоғыз жүз он жеті миллион жүз елу мың тоғыз жүз жетпіс алты) теңгені құрайды.

2020-2022 жылдары аудит өткізу шеңберінде «Қазатомөнеркәсіп» ҰАК» АҚ үшін жылына бір рет Халықаралық қаржы есептілігінің стандарттарындағы өзгерістер саласында семинар өткізу көзделген. Сонымен қатар «ПрайсуотерхаусКуперс» ЖШС-мен жасалған шарттың аясында Компанияның 5 қызметкері ACCA DipIFR, CIMA сертификаттаулары бойынша оқудан өтеді.

Компанияда Директорлар кеңесінің 2019 жылғы 19 ақпандағы отырысында Компанияның Интернет-ресурсында жарияланған аудиторлық ұйымдардың қызметін пайдалану саласындағы «Қазатомөнеркәсіп» ҰАК» АҚ-ның жаңартылған саясаты бекітілді. Бұл Саясат аудит бойынша серіктесті ауыстыру тұрғысынан өзектендірілді, енді мұнда аудит бойынша серіктес бұл позицияда бес жыл қатарынан болғаннан кейін, онда қалу мерзімін қосымша екі жылға дейін ұзарту мүмкіндігі қарастырылды, бірақ аудит бойынша серіктес аталған позицияда жалпы есеппен жеті жылдан артық қалмауы керек. Осындай шешім қабылданған жағдайда, Компания шешімді акционерлер үшін баспасөз хаттамасы түрінде жариялап, оның тиісті себептерін түсінідіріп береді.

Аудиторды оның тәуелсіздігіне ықпал етуі мүмкін қызметтерді көрсетуге тарту Аудит жөніндегі комитеттің алдын ала мақұлдауын талап етеді. Осындай кез келген әлеуетті қызметтер үшін Аудиторлық фирма «Қазатомөнеркәсіп» ҰАК» АҚ-на мақұлдауды алу Аудитордың тәуелсіздігіне неліктен қауіп төндірмейтінін түсіндіретіндей негіздеме ұсынуы тиіс. Компанияның Аудиторлық ұйымдардың қызметін тарту саласындағы Саясатына сәйкес Топқа көрсетілетін аудиторлық емес қызмет үшін сыйақының жиынтық сомасы шектеулі болады және Топтың соңғы үш қаржылық жыл қатарынан аудит үшін төлеген сыйақысының орташа сомасынан 70%-дан аспауы керек. Аудит жөніндегі комитеттің аудиторлық фирма көрсететін аудиторлық емес қызметіне қатысты қабылданған шешімдері Қазатомөнеркәсіптің Директорлар кеңесіне мәлімет беру үшін тапсырылады.

2019 жылы Топтың аудиторлық емес қызметтер үшін төлеген төлемінің жалпы мөлшері, ҚҚС қоса есептегенде, 80,6 млн теңгені құрады.

Аудитордан алынған аудиторлық емес қызметтер, Аудитордың тәуелсіздігін нақты немесе болжамды жоғалту Компанияның аудиторлық фирмадан осындай қызметтерді алудан бас тартуы немесе Компанияның аудиторлық фирманың оның қаржылық есептілігінің аудиті бойынша қызметтерін алудан бас тартуы арқылы ғана қолайлы деңгейге дейін азайтылуы мүмкін мүдделер қақтығысына әкеп соқтыруы мүмкін. Аудиторлық қызметпен байланысты емес жағдайлар туралы толығырақ Аудиторлық ұйымдардың қызметін тарту саясатының 9.4-тармағын қараңыз.

Компания өзі жұмыс істейтін әлеуметтік және экономикалық орта транзакциялардың сенімділігі мен әділдігін арттыру, сыбайлас жемқорлықтың алдын алу және мүдделі тараптардың шешім қабылдауы үшін шынайы ақпарат беру есебінен жақсарғанын мойындайды. Осылайша, мүдделі тараптармен өзара әрекеттесу және сенімді ішкі корпоративтік қарым-қатынасты құру барысында істі ашық түрде жүргізу қажетті фактор болып табылады.

Компанияның барлық қызметкерлері жұмысқа қабылданған кезде және Кодекстің ережелеріне өзгерістер енгізілген кезде, Әдеп және комплаенс кодексімен таныстырылады. Комплаенс бөлімшесі жаңа қызметкерлерге нұсқамалық өткізіп, welcome-тренинг, шеберлік-кластары аясында комплаенс қағидаттарын түсіндіреді және корпоративтік журналда комплаенс айдарын жүргізеді. Әдеп және комплаенс кодексі ережелерінің ұғынылуы мен орындалуы персоналды мерзімді тестілеу арқылы тексеріледі.

Компания өзінің Интернет-ресурсында орналастырылған Әдеп және комплаенс кодексінде (Әдеп және комплаенс кодексі) көзделген корпоративтік әдептің жоғары стандарттары мен қағидаттарын ұстанады.

2019 жылы Компания басшылығына және комплаенс-тәуекелдерге тәуелді үдерістерге қатысатын қызметкерлерге арналған оқулар, Топ кәсіпорындарының өкілдері мен басшылығы үшін түсіндірулер өткізілді.

Компанияда Директорлар кеңесінің шешімімен бекітілген Корпоративтік дауларды және мүдделер шиеленісін реттеу ережесі қолданылады, бұл ереже корпоративтік даулардың және мүдделер шиеленісінің пайда болу себептерін және олардың алдын алу шараларын белгілейді, сондай-ақ дауларды реттеу бойынша іс-шаралар аясында Компания органдарының қызметін регламенттейді.

Осы шара аясында Компания 2020 жылы Компанияның барлық қызметкерлері үшін мүдделер шиелесінін мағлұмдауды іске қосты. Осындай мағлұмдаумен еншілес кәсіпорындарды да қамту жоспарланып отыр.

Компания инсайдерлік ақпаратқа иелік етуге және оны пайдалануға бақылау жүргізеді, инсайдерлер жасаған мәмілелер туралы қор биржаларына хабарлайды, инсайдерлік мәмілелердің алдын алуға көмектеседі.

Еңбек даулары немесе шиеленістері туындаған жағдайда, даудың нақты мәселелері еңбек заңнамасына сәйкес шешіледі. Сонымен қатар туындаған алауыздықты реттеуге мүмкіндік беретін еңбек дауларын шешудің медиативті әдісі де қолданылады.

Компания бәсекелестікке ұмтылады және өз Әдеп кодексінде қызметтің бәсекелестікке қарсы әдістері серіктестерге залал келтіріп, нарық жұмысын қиындатады және серіктестік қатынас негізінде жатқан сенімді бұзу арқылы оған елеулі залал келтіреді деп көрсетеді.

Қызметінің нәтижелерін бағалайтын Қазатомөнеркәсіптің Директорлар кеңесіне өткізілген жұмыс нәтижелері туралы есепті белгіленген тәртіпте кемінде жылына бір рет тапсыру Омбудсмен міндеттерінің бірі болып табылады.

2019 жылы Омбудсмен 15 сауалды қарады, оның ішінде 5-уі анонимді болды. Сауалдар әлеуметтік қолдау көрсетуге, бос орындарға конкурстық іріктеу шарттарына, сондай-ақ қызметкерлердің әдепсіз мінез-құлқына және т.б. қатысты болды. Қарау нәтижелері бойынша мәлімдеушілерге түсініктемелер беріліп, мәселені шешуде көмек көрсетілді. Барлық сауалдар Қазақстан Республикасы заңнамасына сәйкес қаралды.

2019 жылы Қазатомөнеркәсіпте 2018 жылғы комплаенс-тәуекелдерді тәуелсіз бағалау және Компанияда комплаенс функциясын жетілдіру бойынша берілген ұсыныстардың нәтижесі бойынша корпоративтік дауларды және мүдделер қақтығысын реттеу, жемқорлық пен алаяқтыққа қарсы әрекет ету, инсайдерлік ақпаратқа иелік ету және пайдалану тәрізді салаларда комплаенс-тәуекелдерді барынша азайтатын рәсімдер енгізілді.

Компанияда әдеп нормаларын бұзу туралы хабарламаларға арналған «қызу желі» жұмыс істейді. «Қызу желінің» әкімшісі сыртқы өнім беруші болып табылады, бұл жүгінулердің тәуелсіздігін қамтамасыз етеді және анонимді жүгінуді қоса алғанда, құпия ақпараттандыруға мүмкіндік береді. Компанияның ҚР заңнамасының немесе Компанияның ішкі нормативтік құжаттарының нормаларын бұзудың алдын алуға және болдырмауға бағытталған іс-қимылдары бірқатар құжаттармен регламенттеледі, олардың ішіндегі ең бастысы – Құпия ақпараттандыру саясаты.

2019 жылы «қызу желі» арқылы келіп түскен 38 сауал қаралды. Сауалдардың бірдей үлесі сатып алу және кадрлық мәселелерге қатысты болды. Сауалдардың 10%-ы өзге мәселелерге жатқызылды. Есептік кезеңдегі барлық сауалдар Қазақстан Республикасының қолданыстағы заңнамасына сәйкес мерзімде қаралды.

Компанияның Директорлар кеңесінің шешімімен бекітілген Әдеп және комплаенс кодексі мүдделер қақтығысының пайда болу негіздерін, олардың алдын алу шараларын белгілейді. Сонымен қатар Компанияда корпоративтік даулардың, мүдделер қақтығысының туындау себептерін, алдын алу рәсімдерін белгілейтін, сондай-ақ Компания органдарының қызметін оларды реттеу шараларының аясында регламенттейтін, Компанияның Директорлар кеңесімен бекітілген Корпоративтік даулар мен мүдделер қақтығысын реттеу ережесі қолданылады.

Сыбайлас жемқорлыққа қарсы ескертпе Компанияның барлық шарттарына енгізілетін мүдделер қақтығысының тәуекелін барынша азайтудың және жемқорлықтың алдын алудың қосымша құралы болып табылады.